Cothrom na Féinne don Ghaeilge san Eoraip

Níl stádas na Gaeilge mar theanga oibre iomlán san Aontas Eorpach bainte amach go fóill, agus maolú ar úsáid na Gaeilge i bParlaimint na hEorpa. Níl an cead céanna ag Feisirí Éireannacha príomhtheanga oifigiúil na hÉireann a labhairt mar atá ag Feisirí Eorpacha eile a dteangacha féin a úsáid faoi láthair, ceal postanna agus toisc cinntí maorlathacha, rud a d’fhéadfadh a bheith réitithe go héasca.

Tá impleacht ag seo ar fhostaíocht, ar stádas, ar fheiceálacht agus ar úsáid na Gaeilge. Mar bhallstát táimid ag díol isteach sa chiste chuige seo pé scéal, mar sin anois an t-am aghaidh a thabhairt ar an bhfadhb seo.

Éilimid go mbeidh seo réitithe láithreach, agus Uachtaránacht Chomhairle an Aontais Eorpaigh ag Éireann mí Iúil 2026.

Má thacaíonn tú leis an achainí seo, líon isteach do chuid sonraí thíos agus seolfar an ríomhphost seo a leanas ar do shon chuig na daoine seo a leanas:

Roberta Metsola, Uachtarán Pharlaimint na hEorpa
Micheál Martin, Taoiseach
Simon Harris, Tánaiste
Helen McEntee, Aire Gnóthaí Eachtracha
Dara Calleary, Aire na Gaeltachta
James Lawless, An tAire Ardoideachais
Thomas Byrne, An tAire um Gnóthaí Eorpacha

D'ainm:

Do sheoladh ríomhphoist:

Téacs an ríomhphoist:

A chairde,

Iarraimid ar údaráis Pharlaimint na hEorpa agus ar Rialtas na hÉireann Cothrom na Féinne a chinntiú don Ghaeilge san Eoraip agus gach céim is gá a ghlacadh chun deireadh a chur leis an maolú agus leis an gcosc ar úsáid na Gaeilge i bParlaimint na hEorpa, i réimsí a bhfuil cead na 23 theanga oifigiúla eile a úsáid, go sonrach in obair na gcoistí, áit a ndéantar formhór d'obair na Parlaiminte.

Níl maolú mar seo i bhfeidhm ach i gcomhthéacs na Gaeilge anois, agus deireadh curtha le déanaí ar an maolú ar úsáid na Máltaise.

Chuige sin is gá 6 phost bhuana a chruthú in Aonad na Gaeilge d'aistritheoirí agus 2 phost bhuana do chúntóirí chomh maith le 3 phost bhuana mar ateangairí Gaeilge sa Pharlaimint. Íocann Éire isteach sa chiste chuige sin cheana ach níl cead againn ár gcúota post a líonadh.

Anois an t-am le Cothrom na Féinne a bhaint amach don Ghaeilge i gcomhthéacs Uachtaránacht na hÉireann ar an Aontas Eorpach.

[d'ainm]

[do sheoladh ríomhphoist]

Is mian liom uasdátaithe thar ríomhphost a fháil faoin bhfeachtas seo